Kynstur Ráðgjafastofa

10. desember 2009 Tilnefningar óskast vegna Sólskinsviðurkenningu Kynstur ráðgjafastofu!

Árlega veitir Kynstur ráðgjafastofa viðurkenningu sem ber heitið Sólskinsviðurkenningin.

Þessi viðurkenning er veitt einstaklingi, félagasamtökum eða stofnunum sem með einum eða öðrum hætti hafa sýnt frumkvæði, styrkleika og gleði og undirstrikað með eftirminnilegum hætti jákvæðar hliðar mannlegrar kynverundar. Hliðar kynverundar sem tengjast sjálfsviðurkenningu, heilindum og ástríðum.

Tilkynnt er hverjir eru hverjir hljóta Sólskinsviðurkenninguna daginn eftir vetrarsólstöður þann 22. desember ár hvert þegar byrjar sólin að hækka á lofti á ný.

Þegar eru komnar tvær tilnefningar; Trans Ísland samtökin sem hafa sýnt bæði kjark og frumkvæði í að opna á réttindabaráttu transfólks á Íslandi og hópur kvenna í Kvenfélagi Biskupstungna sem ákváðu að sitja léttklæddar fyrir á myndum á dagatali og skora á hólm staðlaðar hugmyndir um kynverund kvenna, kvenfélagsandann og kvenfélagskonur.

Tilnefningar, ásamt rökstuðningi, óskast sendar á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. fyrir 20. desember 2009.

Tengja við Facebook

  

5. desember 2009.

Bókabúð Máls og menningar ætlar að snúa blaðinu við.

Þegar keypt er eintak af bókinni minni Kynlíf - heilbrigði, ást og erótík fylgir hamborgarahryggur frá Gallerí Kjöt með í kaupbæti.

Líst ljómandi vel á þetta. Nokkuð góð búbót fyrir einhverja. Nú er bara að drífa sig áður en kjötið hverfur!

Frétti annars að Bónus verslanirnar ætli ekki að hafa bókina mína á boðstólum, bókin þykir of fræðandi. Það má líta á þá skoðun jákvæðum augum!

Tengja við Facebook

  

30. nóvember 2009

Þriðjudagskvöldið 8. desember næst komandi verð ég með kynningu á bókinni minni Kynlíf -heilbrigði, ást og erótík í bókabúð Máls og menningar.

Kynningin hefst kl. 20.

Tengja við Facebook