Ný námsleið í kynfræði (sexology) á Íslandi.
6. febrúar 2010
Í næsta mánuði hefst nýtt nám í kynfræði (sexology) á Íslandi. Þegar ég gerðist formaður Kynfræðifélags Íslands öðru sinni, árið 2003, þá setti ég það verkefni á oddinn að ýta úr vör kynfræðinámi á háskólastigi. Með samstilltu átaki þáverandi stjórnar Kynís og háskólasamfélagsins má segja að það markmið sé nú orðið að veruleika með framboði á þessari nýju námsleið.
Námsleið í kynfræði (Vor 2010)
Þverfaglegt nám í samstarfi Félagsráðgjafardeildar, Guðfræði- og trúarbragðafræðideildar og Hjúkrunarfræðideildar í Háskóla Íslands.
Hvenær
Námið nær yfir þrjú misseri. Það hefst að vori 2010 og lýkur að vori 2011. Fyrsta námskeiðið vorið 2010 er á vegum Hjúkrunarfræðideildar HÍ. Næsta námskeið er haustið 2010 og er á vegum Guðfræði- og trúabragðafræðideildar HÍ og þriðja námskeiðið er vorið 2011 á vegum Félagsráðgjafadeildar HÍ. Öll námskeiðin eru kennd á meistarastigi og er hvert þeirra til 10 ECTS eininga. Alls er námið til 30 ECTS eininga.
Markhópur
Nemendur skulu hafa lokið BS, BA, BEd námi áður en þeir hefja nám í kynfræði. Námið er einkum ætlað fagfólki innan félags-, heilbrigðis-, og uppeldisvisinda s.s. félagsráðgjöfum, félagsfræðingum, guðfræðingum, hjúkrunarfræðingum, ljósmæðrum, læknum, kennurum, kynjafræðingum, mannfræðingum og sálfræðingum.
Markmið
Með náminu er verið að koma til móts við þarfir samfélagsins um þekkingarsköpun á sviði kynfræða, undirbúa nemendur til að starfa á sviðinu og efla þá sem hafa þegar verið í starfi.
Námsmarkmið
Að loknu námi munu nemendur m.a.
- hafa þekkingu á hugtökum, hugmyndafræði, kenningum og aðferðum kynfræðinnar
- geta áttað sig á nýjungum og þróun á sviði kynfræða sem byggist á vísindalegum grunni
- hafa víðtæka vitneskju um vandamál og viðfangsefni, fræðileg sem hagnýt, byggð á nýjustu rannsóknum í kynfræði
- gera sér grein fyrir eigin gildismati og viðhorfum til kynferðismála
- geta nýtt fræðilega þekkingu sína og skilning á kynfræði ásamt tjáskiptafærni í faglegri nálgun í starfi
- búa yfir þekkingu og færni til að fræða skjólstæðinga og aðra um kynlíf
Kennsla/Umsjón
Kennarar verða bæði innlendir og erlendir háskólakennarar og starfandi kynlífsráðgjafar. Umsjónarkennari fyrsta námskeiðsins vorið 2010 er Sóley S. Bender, prófessor ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ). Umsjón með námskeiðinu haustið 2010 hefur Sólveig Anna Bóasdóttir, dósent (solanna@hi.is) og umsjón með þriðja námskeiðinu hefur Sigrún Júlíusdótti, prófessor ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ). Námið er kennt á vegum Endurmenntunar H
Námið verður skipulagt þannig að þáttakendur geti unnið með námi. Gera má ráð fyrir því að í hverju námskeiði verði nokkrar staðlotur, Unnið verður með fræðileg og klínísk viðfangsefni á meðan á námskeiðinu stendur, Nemendur vinna með efnivið úr starfi.
Stefnt er að því að fyrirlestrar verði í E-mission fjarkennslubúnaði en helgarlotur eru staðnám.
Valnámskeið
Nemendur hafi tök á því að velja eitt af fleiri af þessum þremur námskeiðum.
Hér má finna nánari upplýsingar um námskeiðið Kroppurinn, kynlíf og kynheilsa vorið 2010 á vegum Hjúkrunarfræðideildar HÍ.
Skráning
Nemandi sem er í námi við HÍ getur skráð sig á námskeiðið til 15. febrúar. Hann hefur samband við Elvu B. Einarsdóttur ( Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. ) eða nemendaskrá.
Þeir sem ekki eru nemendur í HÍ skrá sig í gegnum Endurmenntun HÍ (www.endurmenntun.is), nám á meistarastigi, námskeið í samstarfi við hjúkrunarfræðideild. Síðasta skráningardagur er 15. febrúar. Námskeiðið kostar kr 59.000.
Tengja við Facebook
Fyrirlestur fyrir Stómasamtök Íslands og CCU samtökin1. febrúar 2010 Næstkomandi fimmtudagskvöld verð ég með fyrirlestur fyrir Stómasamtök Íslands og CCU samtökin.
Tengja við Facebook
Fegrunaraðgerðir og píkufirringin29. janúar 2010 Nýverið var haldið málþing á Læknadögum á vegum Félags íslenskra fæðingar- og kvensjúkdómalækna þar sem fjallað m.a. var fjallað um fegrunar- og lýtaaðgerðir á kynfærum kvenna. Einnig var varpað fram þeirri spurningu hvað séu eðlileg kynfæri kvenna. Tilefnið málþingsins var að það er vaxandi eftirspurn eftir aðgerðum af þessu tagi og sitt sýnist hverjum um þá þróun. Ég sé ekkert athugavert við það að fara í lýtaaðgerð ef kynfærin hafa til dæmis skaddast vegna slyss eða eftir fæðingu. Hins vegar sé ég enga ástæðu til þess að konur fari í aðgerðir til þess að breyta útliti píkunnar bara ef henni finnst útlitið ekki nógu flott eða aðlaðandi. Í pistlinum langar mig að velta aðeins fyrir mér hvers vegna konur vilji breyta útliti kynfæranna í fegrunarskyni. Vefritið Miðjan grennslaðist líka fyrir um þetta mál hjá mér um daginn. Ekki er vitað hversu algengt það er að íslenskar konur fari í aðgerðir á kynfærum til þess eins að vera með "flottari píku" því miðlæg skráning er ekki fyrir hendi. Á málþinginu kom fram að að minnsta kosti 22 íslenskar konur hafi farið í aðgerð af þessu tagi. Hins vegar hefur aðgerðum af þessu tagi fjölgað verulega sumstaðar erlendis. Í viðtölum við konur á stofunni minni hef ég ekki tekið eftir því að konur almennt séu óöruggar með píkuna á sér. Ég man aðeins eftir tveimur konum, af öllum þeim konum sem ég hef rætt við í ráðgjöfinni, sem báðum fannst að þær hlytu að hafa of víð leggöng. Ég hef aldrei heyrt í konu sem var óánægð með útlit píkunnar. Langflestar konur eru bara sáttar við sig eins og þær eru skapaðar. Það skiptir mestu máli er að hafa heilbrigðan líkama svo hægt sé að njóta atlota svo ánægja sé möguleg. Ég hef svolítið velt fyrir mér hvers vegna konur vilji fara í aðgerð til að fá hið ímyndaða fullkoma píkuútlit (sem er hvort eð er ekki til). Mér finnst frekar ólíklegt að elskhugar eða ástkonur hafi verið að kvarta yfir píkuútliti kærustunnar eða eiginkonunnar. Mig grunar að konur sem langar í þetta fullkomna píkuútlit séu móttækilegri en aðrar gagnvart kröfum um flott útlit. Hafa ef til vill ekki nógu gott sjálfstraust. Sé eitthvað til í því er píkufirringin (nýyrði mitt) kannski angi af sama meiði og þegar konur halda að andlega líðanin verði betri "bara" ef hún fær stærri brjóst, minna nef, stærri varir -og svo framvegis. Það að geta ekki sætt sig við eigið útlit og líkama er ekki nýtt af nálinni. Líkamsfirringin er löngu orðin staðreynd (og hjá körlum líka). -Og nú hefur firring píkunnar bæst við. Það að vera óánægð með píkuna af því barmarnir eru misstórir, þeir lafa og eru sýnilegir. Hvað er næst? Að vera ónægð hvernig hnén líta út? Engin sérstök athugun hefur verið gerð á því hversu mikil aukning hefur orðið á neðanrakstri hjá konum. En það er orðið algengara en áður var að konur raki sig að neðan, að öllu eða mestu leyti. Þegar píkan er rökuð og ekki hár að sjá sést allt. Það er kannski ein ástæðan. Loksins þegar sköpulag píkunnar sést almennilega er konan ekki sátt. Heldur að það sé til eitthvað fullkomið píkuútlit. En fullkomið eða eitthvað sem mætti nefna eðlilegt útlit píkunnar er ekki til. Líkt og líkamar fólks er útlit kynfæra, bæði hjá körlum og konum, einfaldalega mismunandi. Það sem er eðlilegt er sú staðreynd að píkur líta mismunandi út. Í kynferðislega opinskáu myndefni eða klámi fer ekki mikið fyrir fjölbreyttu píkuútliti. Það þarf stundum að hafa svolítið fyrir því að finna konur í klámmyndaheiminum með annað en "klámpíku" útlitið (algerlega hárlaus, með symmetríska skapabarma). Hin margfræga sjúkdómavæðing gæti líka átt hér hlut að máli. Það er heljarinnar bissness að telja konum trú um að þær séu ekki í lagi; of feitar, of þunglyndar, ekki nógu vel farðaðar, með of mörg grá hár, með of lítil brjóst, ekki nógu sexý, fái ekki nógu auðveldlega fullnægingu og þar fram eftir götunum - eða með of stóra eða misstóra skapabarma. Til að lina "þjáningar" kvennanna spretta svo fram ótal vörur, lyf og aðgerðir til bjargar. Aðgerðir á kynfærum kvenna í fegrunarskyni geta verið varhugaverðar. Mikið af taugaendum og kirtlum er í skapabörmum sem eiga sinn þátt í eðlilegri skynjun og kynsvörun. Það kann ekki góðri lukku að stýra að vera að krukka í taugar og húð á þessum stað, það segir sig sjálft. Nokkur hætta er á sýkingum og blæðingum í kjölfar slíkra aðgerða. Þegar konur hafa farið í tíðahvörf dregur úr myndun estrogen hormóna og það minnkar skapabarma. Nærtæk spurning er þá hvaða áhrif eðlilegar öldrunarbreytingar hafa á þær konur sem hafa farið í skapabarmaminnkun. Frekari rannsóknir skortir en vísbendingar hafa komið fram um að þvert á það sem sumar konur halda, þá bæta slíkar aðgerðir ekki endilega andlega líðan eða kynlífsupplifun. Tengja við Facebook
Málþing í tilefni útgáfu bókar Jónu Ingibjargar23. janúar 2010 Málþing um Kynverund - heilbrigði og samfélagMálþingið Kynverund - heilbrigði og samfélag er haldið af Kynstur ráðgjafastofu í samvinnu við Félag íslenskra hjúkrunarfræðinga og Bókaútgáfuna Opnu í tilefni af útgáfu bókarinnar
Að þinginu loknu verða léttar veitingar í boði Bókaútgáfunnar Opnu. Málþingið er öllum opið og aðgangur ókeypis. Dagskrá: 16:10-16:30 Kynferðislega heilbrigt samfélag. Sóley S. Bender, prófessor Tengja við Facebook
|
Fyrirlesturinn nefni ég Áskoranir, ástir og kynlíf. Í honum ætla ég að fjalla um áhrif sjúkdóma á kynlíf og náin samskipti, helstu vandamál í sambandi við stóma og chron´s og colitis, hvað sé til ráða og hvað einkenni gott kynlíf.
<< Fyrsta < Fyrri 1 2 3 4 5 6 7 8 9 10 Næsta > Síðasta >>
Síða 6 af 29